Қисқача тавсифи

Азиз ўқувчилар! Сизларга «Ҳадис ва Ҳаёт» силсиласининг «Ов ва сўйишлар китоби» деб номланувчи ўн бешинчи жузини тақдим қилмоқдамиз. «Ов» деганда ов ҳайвонларини қўлга олиш англанади. Маълумки, ов ҳайвонлари турлитуман бўлиб, инсон улардан. фойдаланиш учун овлашни қадимдан касб қилиб келган. Ичимиздан кимдир овчиликни касб қилиб олган бўлади. Албатта, ундай кишилар учун овни қандай олиб бориш шариатга мувофиқ бўлишини билмоқ ҳам фарз, ҳам қарздир. Деярли ҳар биримиз ов маҳсулотларини давомли равишда қайта-қайта истеъмол қилишимиз ҳам ҳаётий зарурат. Шунинг учун ҳам ана ўша маҳсулотларни харид қилиш, истеъмол қилиш чоғида нималарга эътибор берсак, шариатга мувофиқ бўлишини ўрганмоғимиз ҳам матлуб нарсадир. Ҳаммамиз ҳайвонлардан чиқадиган маҳсулотларни ҳар куни бир неча марта истеъмол қилишимиз ҳам турган гап. Ҳозирги ҳамма нарса аралаш-қуралаш бўлиб кетган замонда бундай маҳсулотларнинг ҳалол-покини топиб истеъмол қилиш учун шариатимиз кўрсатмаларини яхшилаб ўрганиб олмоғимиз лозим. Ушбу китобга соҳиб бўлиш орқали бу масалаларга доимий манбага эга бўламиз.Шунингдек, ушбу китобда ҳар бир мўмин-мусулмон учун зарур бўлган бошқа бир қанча маълумотлар ҳам мавжуд.

Китобнинг мундарижаси

Биринчи фасл

• Ейиладиган ҳайвонлар ҳақида
• Денгиз ҳайвони ва ўлимтиги

Иккинчи фасл

• Ейилмайдиган ҳайвонлар ҳақида
• Ўлдирилиши ман қилинган ва Ўлдирилиши амр қилинган ҳайвонлар
• Уйларда яшовчилари уч марта огоҳлантирилур
• Хулоса

Учинчи  фасл

• Ов ва сўйиш ҳақида
• Хулоса
• Сўйиш
• Ҳомиланинг сўйилиши онасининг сўйилиши биландир
• «Бисмиллаҳ»ни айтиш ва яхшилаб сўйиш
• Аҳли китобнинг сўйгани ҳалол
• Хулоса
• Қушхоналардаги янгича сўйишлар ҳақида
• Ақийқа  ва  янги  туғилган  болага  қилинадиган  нарсалар ҳақида
• Фараъ ва атийра

Тўртинчи фасл

• Қурбонлик ҳақида
• Қурбонликка кифоя қиладиган ва кифоя қилмайдиган нарсалар

Хотима
Қурбонликнинг одоблари вауни сақлаш жоизлиги ҳақида
Қурбонлик ҳақида
Қўшимча маълумотлар
Манбалар рўйхати