Қисқача тавсифи

Шайх Муҳаммад Содиқ Муҳаммад Юсуф ҳазратларининг қаламларига мансуб «Зикр аҳлидан сўранг» китобининг 8-қисми электрон нашри.Валий ва Ҳамийд Зотга беҳад, беадад шукурлар бўлсинки, бугунги кунда «Зикр аҳлидан сўранг» ойномасининг 100-сони ҳам китобхонлар қўлига етиб борди. Шу вақтгача бир ярим мингга яқин турли саволларга имкон қадар жавоб бериб келдик. Аммо китобчамизнинг ҳажми чекланган бўлганлиги сабабли, ҳамма саволларга ҳам батафсил жавоб беришнинг имкони бўлмай, кўпгина саволларнинг жавоби қисқароқ бўлиб қолганлиги ҳам сир эмас. Ушбу савол-жавоблар каттароқ китобда жамланишини сўраган китобхонларимизнинг талаб ва истакларни ҳисобга олган ҳолда «Зикр аҳлидан сўранг» ойномамизни йирикроқ тўплам сифатида қайта нашр этишга киришдик. Бунда, албатта, аввалги китобчаларимиздан фарқли бир қанча жиҳатлар бўлишини ҳам мулоҳаза қилдик. Масалан, аввалги китобчалар ён чўнтакда олиб юришга мўлжалланганлиги сабабли, оят ва ҳадисларнинг арабий матнини илова қилмаган эдик. Эндиги тўпламимизда эса оят ва ҳадисларнинг матнини тўлиқ келтириб, уларнинг шарҳига ҳам етарлича ўрин ажратилди. Аввалги китобчалар долзарб саволларга тезкор жавоблар тарзида бўлганлиги учун, уларни маълум бобларга саралашнинг имкони йўқ эди. Мазкур тўпламда эса саволларни фиқҳий масалалар бўйича турли бобларга ажратиб, умумлаштириб бердик. Албатта, бунда бир масала бўйича саволларнинг такрорланиб келишининг олдини олиш ҳам мумкин бўлди. Қолаверса, китобхонларнинг ўзларини қизиқтирган мавзуларни топишлари ҳам осонлашди. Китобхонлардан келган саволларни иложи борича таҳрир қилмасдан ҳавола этиш фикримиз аввалги китобчаларимизда умумий ҳолатни англаб олишимизга ёрдам берган эди. Маълум бўлишича, кўпгина китобхонларимизнинг диний, дунёвий ва ҳаттоки имловий саводлари ҳам ҳавас қиларли даражада эмас экан. Баъзан савол матнидан аниқ бир маънони англаб олиш қийин бўлган ҳолатлар ҳам учраб қоларди. Бошловчи намозхон ҳам билиши шарт бўлган жўнгина саволларни қайта-қайта сўрайвериш оддий ҳолга айланиб қолди. Баъзан эса, ғаразли мақсадларда берилган саволлар ҳам келиб турарди. Ушбу савол-жавобларнинг иложи борича давомий, барча учун хайрли ва фойдали ҳамда холис бўлишини кўзлаб, эндиги тўпламимизда саволларимизни маъно ва имло нуқтаи назаридан иложи борича яхшилаб таҳрир этишга ҳаракат қилдик. Бунда ушбу саволлар орқали ҳам китобхонларимизнинг умумий саводларини оширишни, хусусан, савол бериш одобини ўргатишни бош мақсад қилиб белгиладик. Турли сабабларга кўра аввалги китобчаларимизда қисқароқ жавоб берилган саволларга мазкур тўпламда кенгроқ, иложи борича батафсил жавоб беришга ҳаракат қилдик. Айни пайтда, маълум бир мавзудаги такрорий саволларни умумлаштириб, ўша мавзуга оид асосий далил-ҳужжатларни келтирган ҳолда, атрофлича жавоб беришни маъқул кўрдик. Ушбу мавзу бўйича берилиши мумкин бўлган яна бошқа саволларни ҳисобга олиб, баъзи жавобларга анчагина кенг ўрин ажратдик. Китобхонлар орасида турли тушунмовчиликлар ва ихтилофлар чиқмаслиги учун яна бир бор таъкидлаб айтамизки, ушбу тўпламдаги саволларга биз ўз фикримиздан келиб чиқиб эмас, балки шаръий масдарларга суянган ҳолда жавоб бериб, аниқ бир масала юзасидан шариатнинг ҳукмини илмимиз етган даражада баён этдик. Шу маънода аввалги китобчаларимиздаги баъзи савол-жавобларни қисқартириб, баъзиларини тўлатишга ва яна баъзиларига бир оз аниқлик киритишга ҳам тўғри келди. Шунинг учун, ушбу тўплам асосий манба деб қаралиши лозимлигини алоҳида таъкидлаймиз.

Китобнинг мундарижаси

• Қуръон ва суннат

• 1-боб. Қуръон ҳамда уни тафсир ва таржима қилиш ҳақида
• 2-боб. Суннати набавия ҳақида
• Ақоид
• 3-боб. Илоҳиёт ҳақида
• Истиво ҳақида
• 4-боб. Нубувват ҳақида
• 5-боб. Ғайб олами ҳақида
• 75-боб. Ўлик яқинларининг йиғиси туфайли азобланиши ҳақида
• 6-боб. Бошқа ақийдавий масалалар ҳақида
• Расулуллоҳ соллаллоҳу алайҳи васалламнинг оналари қабрини зиёрат қилганлари
• Қодёния
• Яъжуж-маъжуж
• Имом Маҳдий розияллоҳу анҳу ҳақида
• Ибодатлар
• 7-боб. Таҳорат ва поклик ҳақида
• Таҳоратда бўйинга масҳ тортиш
• Тишга пломба қўйиш
• Истинжонинг ҳукмлари
• 8-боб. Намоз ҳақида
• Кусуф ва хусуф намози
• Қазо намозларни ўқиш
• Намознинг вақтлари
• 9-боб. Жаноза ва маййит ҳақида
• 10-боб. Рўза ҳақида
• Ражаб ойи рўзаси
• 11-боб. Закот ҳақида
• 12-боб. Қасам ва назрлар ҳақида
• 13-боб. Ҳаж ва умра ҳақида
• 14-боб. Зикр ва дуо хусусида
• 15-боб. Ибодатларга оид бошқа масалалар
• Кусуф намозига чақириш
• Кусуф намозининг турлари
• Муомалот
• 16-боб. Олди-сотди ҳақида
• Салам фасли
• Саламнинг шартлари
• 17-боб. Ширкатлар ҳақида
• 18-боб. Қарз олди-бердиси
• Қарзни узиш дуоси
• Қарзни узиш дуоси
• 19-боб. Топилмалар ҳақида
• 20-боб. Иш ва ишчилар ҳақида
• 21-боб. Муомалотга оид бошқа масалалар
• Оила ва турмуш
• 22-боб. Совчилик ҳақида
• 23-боб. Маҳр ҳақида
• 24-боб. Никоҳ ҳақида
• 25-боб. Эр-хотиннинг ҳақ-ҳуқуқлари ҳақида
• Рисоладаги хотин
• 26-боб. Янги туғилган гўдакка оид ҳукмлар
• Фарзанднинг ҳақлари
• 27-боб. Талоқ ҳақида
• Кинояли талоқ
• 28-боб. Насаб ва фарзанд боқиб олиш
• 29-боб. Оила ва турмушга оид бошқа масалалар
• Хулоса
• Тақиқ ва рухсатлар
• 30-боб. Таомлар ва ичимликлар
• 31-боб. Сўйишлар ҳақида
• 32-боб. Либослар ҳақида
• Калта иштон кийиш масаласи
• 33-боб. Маъсият ва жиноятлар ҳақида
• Пора ҳаромдир
• 34-боб. Алдов ва қалбакилик ҳақида
• 35-боб. Аёлларга оид ҳукмлар ҳақида
• Ҳайз
• Нифос
• Истиҳозанинг ҳукмлари
• Узрлиларнинг ҳукмлари
• 36-боб. Тақиқ ва рухсатларга оид бошқа масалалар
• Чалқанча ётиш
• Тиб китоби
• 37-боб. Даволаш ва даволаниш ҳақида
• 38-боб. Дам солиш ҳақида
• Сеҳрнинг муолажаси
• 39-боб. Тибга оид бошқа масалалар
• Сув ҳис қила оладими?
• Мингдан бир мўъжиза
• Ахлоқ ва одоб
• 40-боб. Яхшилик ва силаи раҳм ҳақида
• Ота-онага оқ бўлиш
• 41-боб. Салом бериш ҳақида
• 42-боб. Уяли алоқа воситаларидан фойдаланишнинг одоблари
• Уяли алоқа фиқҳи
• уяли алоқа воситаларидан фойдаланиш одоблари
• Уяли алоқа воситаси тарихига бир назар
• Уяли алоқа воситаларидан фойдаланиш одоблари
• Жамоатчиликка нисбатан одоблар
• Суҳбатдошга нисбатан одоблар
• Мавзуга доир саволлар
• Хотима
• Руҳий тарбия
• 43-боб. Покланиш
• Намозда қалб ҳозир бўлишининг омиллари
• 44-боб. Тикланиш
• 45-боб. Тасаввуф ҳақида
• Валийлар ва кароматлар
• Валий ҳеч қачон набий мартабасига ета олмайди
• Авлиёларнинг кароматлари
• 46-боб. Сийрат ва тарих
• 47-боб. Адабиёт
• Турли мавзулардаги саволлар
• Ҳанафий фақиҳларнинг табақалари
• Ҳанафий китобларнинг мартабалари
• Илм ва уламолар фазли ҳақида
• Ҳижрат масаласи
• Китоб маълумотлари