Қисқача тавсифи

Шайх Муҳаммад Содиқ Муҳаммад Юсуф ҳазратларининг қаламларига мансуб «Зикр аҳлидан сўранг» китобининг 4-қисми электрон нашри. Валий ва Ҳамийд Зотга беҳад, беадад шукурлар бўлсинки, бугунги кунда «Зикр аҳлидан сўранг» ойномасининг 100-сони ҳам китобхонлар қўлига етиб борди. Шу вақтгача бир ярим мингга яқин турли саволларга имкон қадар жавоб бериб келдик. Аммо китобчамизнинг ҳажми чекланган бўлганлиги сабабли, ҳамма саволларга ҳам батафсил жавоб беришнинг имкони бўлмай, кўпгина саволларнинг жавоби қисқароқ бўлиб қолганлиги ҳам сир эмас. Ушбу савол-жавоблар каттароқ китобда жамланишини сўраган китобхонларимизнинг талаб ва истакларни ҳисобга олган ҳолда «Зикр аҳлидан сўранг» ойномамизни йирикроқ тўплам сифатида қайта нашр этишга киришдик. Бунда, албатта, аввалги китобчаларимиздан фарқли бир қанча жиҳатлар бўлишини ҳам мулоҳаза қилдик. Масалан, аввалги китобчалар ён чўнтакда олиб юришга мўлжалланганлиги сабабли, оят ва ҳадисларнинг арабий матнини илова қилмаган эдик. Эндиги тўпламимизда эса оят ва ҳадисларнинг матнини тўлиқ келтириб, уларнинг шарҳига ҳам етарлича ўрин ажратилди. Аввалги китобчалар долзарб саволларга тезкор жавоблар тарзида бўлганлиги учун, уларни маълум бобларга саралашнинг имкони йўқ эди. Мазкур тўпламда эса саволларни фиқҳий масалалар бўйича турли бобларга ажратиб, умумлаштириб бердик. Албатта, бунда бир масала бўйича саволларнинг такрорланиб келишининг олдини олиш ҳам мумкин бўлди. Қолаверса, китобхонларнинг ўзларини қизиқтирган мавзуларни топишлари ҳам осонлашди. Китобхонлардан келган саволларни иложи борича таҳрир қилмасдан ҳавола этиш фикримиз аввалги китобчаларимизда умумий ҳолатни англаб олишимизга ёрдам берган эди. Маълум бўлишича, кўпгина китобхонларимизнинг диний, дунёвий ва ҳаттоки имловий саводлари ҳам ҳавас қиларли даражада эмас экан. Баъзан савол матнидан аниқ бир маънони англаб олиш қийин бўлган ҳолатлар ҳам учраб қоларди. Бошловчи намозхон ҳам билиши шарт бўлган жўнгина саволларни қайта-қайта сўрайвериш оддий ҳолга айланиб қолди. Баъзан эса, ғаразли мақсадларда берилган саволлар ҳам келиб турарди. Ушбу савол-жавобларнинг иложи борича давомий, барча учун хайрли ва фойдали ҳамда холис бўлишини кўзлаб, эндиги тўпламимизда саволларимизни маъно ва имло нуқтаи назаридан иложи борича яхшилаб таҳрир этишга ҳаракат қилдик. Бунда ушбу саволлар орқали ҳам китобхонларимизнинг умумий саводларини оширишни, хусусан, савол бериш одобини ўргатишни бош мақсад қилиб белгиладик. Турли сабабларга кўра аввалги китобчаларимизда қисқароқ жавоб берилган саволларга мазкур тўпламда кенгроқ, иложи борича батафсил жавоб беришга ҳаракат қилдик. Айни пайтда, маълум бир мавзудаги такрорий саволларни умумлаштириб, ўша мавзуга оид асосий далил-ҳужжатларни келтирган ҳолда, атрофлича жавоб беришни маъқул кўрдик. Ушбу мавзу бўйича берилиши мумкин бўлган яна бошқа саволларни ҳисобга олиб, баъзи жавобларга анчагина кенг ўрин ажратдик. Китобхонлар орасида турли тушунмовчиликлар ва ихтилофлар чиқмаслиги учун яна бир бор таъкидлаб айтамизки, ушбу тўпламдаги саволларга биз ўз фикримиздан келиб чиқиб эмас, балки шаръий масдарларга суянган ҳолда жавоб бериб, аниқ бир масала юзасидан шариатнинг ҳукмини илмимиз етган даражада баён этдик. Шу маънода аввалги китобчаларимиздаги баъзи савол-жавобларни қисқартириб, баъзиларини тўлатишга ва яна баъзиларига бир оз аниқлик киритишга ҳам тўғри келди. Шунинг учун, ушбу тўплам асосий манба деб қаралиши лозимлигини алоҳида таъкидлаймиз.

Китобнинг мундарижаси

• Қуръон ва суннат

• 1-боб. Қуръон ҳамда уни тафсир ва таржима қилиш ҳақида
• Қироатлар ва қорилар
• Ҳар нарса жуфт яратилган
• 2-боб. Суннати набавия ҳақида
• Бинога нафақа қилиш ҳақидаги боб
• Ақоид
• 3-боб. Ислом ва иймон ҳақида
• 4-боб. Илоҳиёт ҳақида
• Қазо ва қадар
• Хотима
• 6-боб. Ғайб олами ҳақида
• 7-боб. Бошқа ақийдавий масалалар
• Валий ҳеч қачон набий мартабасига ета олмайди
• Авлиёларнинг кароматлари
• Аллоҳ таолога хос сифатлар ҳеч кимга мўъжиза ҳам, каромат ҳам бўлмайди
• Каромат тушунчаси ва унинг турлари
• Аҳли сунна вал жамоа
• Имом Абулҳасан ал-Ашъарий
• Имом Абу Мансур ал-Мотуридий
• Ашъарий ва Мотуридий ораларидаги фарқлар
• Ибодат китоби
• 8-боб. Таҳорат ва поклик ҳақида
• 9-боб. Намоз ҳақида
• Намоздаги саломдан олдинги дуо ҳақида
• Намозда қалб ҳозирлиги
• Намозда қалб ҳозир бўлиши омиллари
• Намозга оид амалларда қалб ҳозирлиги
• Намознинг ичида кўп амал қилиш
• 10-боб. Жамоат намози ҳақида
• 11-боб. Нафл намози
• 12-боб. Масжидлар хусусида
• 13-боб. Жаноза ва маййит ҳақида
• 15-боб. Рўза ва рамазон ҳақида
• 16-боб. Закот ҳақида
• 17-боб. Садақа ҳақида
• 18-боб. Ҳаж ва умра ҳақида
• 19-боб. Қасам ва назрлар
• 20-боб. Зикр ва дуо хусусида
• Муомалот
• 21-боб. Олди-сотди ҳақида
• Пул бирликларинибир-бирига сотиш ҳақида
• Гаров китоби
• 22-боб. Банк ва рибовий моллар
• Рибо фасли
• 23-боб. Қарз олди-бердиси
• 24-боб. Топилмалар ҳақида
• Топилмалар ҳақида
• 25-боб. Вақф
• 26-боб. Иш ва ишчилар ҳақида
• Мол-дунёнинг фойдалари
• Мол-дунёнинг зарарлари
• Ҳирс ва тамагирлик ҳамда қаноат
• Ҳирс ва тамагирликнинг давоси
• Оила ва турмуш
• 27-боб. Совчилик ҳақида
• 28-боб. Никоҳ ҳақида
• 29-боб. Нафақа ҳақида
• 30-боб. Энагалик ҳақида
• Болани қарамоғига олиш
• Фарзанд ҳақлари
• 31-боб. Янги туғилган гўдакка оид ҳукмлар
• Исмни бошқа исмга ўзгартириш
• Аллоҳ азза ва жаллага энг ёқмайдиган исмлар
• Кишини ўзи яхши кўрган исми билан чақириш
• Осия деган исмни ўзгартириш
• Сорм деган исм ҳақида
• Ғуроб деган исм ҳақида
• Шиҳоб деган исм ҳақида
• Ос деган исм ҳақида
• Заҳм деган исм ҳақида
• Ҳазн деган исм ҳақида
• Хатна
• 32-боб. Талоқ ҳақида
• 33-боб. Лиъон ҳақида
• Тақиқ ва рухсатлар
• 34-боб. Таомлар ва ичимликлар
• 35-боб. Сўйишлар ҳақида
• 36-боб. Ов ҳақида
• 37-боб. Либослар ҳақида
• 38-боб. Маъсият ва жиноятлар ҳақида
• 39-боб. Аёлларга оид ҳукмлар ҳақида
• 40-боб. Мусобақа ва совғалар
• Шаръий сиёсат китоби
• 41-боб. Фатво ва қозилик ҳақида
• Тиб китоби
• 42-боб. Даволаш ва даволаниш ҳақида
• 43-боб. Пластик жарроҳлик ҳақида
• Ислом Конференцияси Ташкилоти қошидаги халқаро Ислом фиқҳи академиясининг «Косметик жарроҳлик ва унинг ҳукми» ҳақидаги қарори
• 44-боб. Ҳомила ва аборт
• Айбли ҳолдаги ҳомилани тушириб юбориш ҳақида
• Ахлоқ ва одоб
• 45-боб. Яхшилик ва силаи раҳм ҳақида
• Қариндошлик ҳаққи
• 46-боб. Таълим олиш ва таълим бериш
• 47-боб. Толиби илм одоби ҳақида
• 48-боб. Жинсий тарбия одоби ҳақида
• Руҳий тарбия
• 49-боб. Таваккул ҳақида
• 50-боб. Тақво ва вараъ ҳақида
• 51-боб. Қалб касалликларини даволаш ҳақида 5
• Васваса
• Фосиқликка оид ҳукмлар
• Мунофиқлик
• Ғазабнинг амалий давоси
• Сийрат ва тарих
• 52-боб. Саҳобаи киромлар ҳақида
• 53-боб. Муҳаддислар ҳақида
• Васваса
• Имом Бухорий – фахримиз
• Имом Бухорийнинг асарлари
• Имом Бухорийнинг шоҳ асари – «Саҳиҳул-Бухорий»
• «Саҳиҳул-Бухорий» хатми
• «Саҳиҳул-Бухорий»нинг нақл қилиниши
• 54-боб. Мужтаҳид уламолар ҳақида
• Турли мавзулардаги саволлар
• Ақийдавий мазҳаб
• Фиқҳий мазҳаб
• Фиқҳ манбалари
• Фиқҳий мазҳаблар
• Тариқатлар
• Тариқат ва шариат
• Китоб маълумотлари