Қисқача тавсифи

Шайх Муҳаммад Содиқ Муҳаммад Юсуф ҳазратларининг қаламларига мансуб «Зикр аҳлидан сўранг» китобининг 5-қисми электрон нашри. Валий ва Ҳамийд Зотга беҳад, беадад шукурлар бўлсинки, бугунги кунда «Зикр аҳлидан сўранг» ойномасининг 100-сони ҳам китобхонлар қўлига етиб борди. Шу вақтгача бир ярим мингга яқин турли саволларга имкон қадар жавоб бериб келдик. Аммо китобчамизнинг ҳажми чекланган бўлганлиги сабабли, ҳамма саволларга ҳам батафсил жавоб беришнинг имкони бўлмай, кўпгина саволларнинг жавоби қисқароқ бўлиб қолганлиги ҳам сир эмас. Ушбу савол-жавоблар каттароқ китобда жамланишини сўраган китобхонларимизнинг талаб ва истакларни ҳисобга олган ҳолда «Зикр аҳлидан сўранг» ойномамизни йирикроқ тўплам сифатида қайта нашр этишга киришдик. Бунда, албатта, аввалги китобчаларимиздан фарқли бир қанча жиҳатлар бўлишини ҳам мулоҳаза қилдик. Масалан, аввалги китобчалар ён чўнтакда олиб юришга мўлжалланганлиги сабабли, оят ва ҳадисларнинг арабий матнини илова қилмаган эдик. Эндиги тўпламимизда эса оят ва ҳадисларнинг матнини тўлиқ келтириб, уларнинг шарҳига ҳам етарлича ўрин ажратилди. Аввалги китобчалар долзарб саволларга тезкор жавоблар тарзида бўлганлиги учун, уларни маълум бобларга саралашнинг имкони йўқ эди. Мазкур тўпламда эса саволларни фиқҳий масалалар бўйича турли бобларга ажратиб, умумлаштириб бердик. Албатта, бунда бир масала бўйича саволларнинг такрорланиб келишининг олдини олиш ҳам мумкин бўлди. Қолаверса, китобхонларнинг ўзларини қизиқтирган мавзуларни топишлари ҳам осонлашди. Китобхонлардан келган саволларни иложи борича таҳрир қилмасдан ҳавола этиш фикримиз аввалги китобчаларимизда умумий ҳолатни англаб олишимизга ёрдам берган эди. Маълум бўлишича, кўпгина китобхонларимизнинг диний, дунёвий ва ҳаттоки имловий саводлари ҳам ҳавас қиларли даражада эмас экан. Баъзан савол матнидан аниқ бир маънони англаб олиш қийин бўлган ҳолатлар ҳам учраб қоларди. Бошловчи намозхон ҳам билиши шарт бўлган жўнгина саволларни қайта-қайта сўрайвериш оддий ҳолга айланиб қолди. Баъзан эса, ғаразли мақсадларда берилган саволлар ҳам келиб турарди. Ушбу савол-жавобларнинг иложи борича давомий, барча учун хайрли ва фойдали ҳамда холис бўлишини кўзлаб, эндиги тўпламимизда саволларимизни маъно ва имло нуқтаи назаридан иложи борича яхшилаб таҳрир этишга ҳаракат қилдик. Бунда ушбу саволлар орқали ҳам китобхонларимизнинг умумий саводларини оширишни, хусусан, савол бериш одобини ўргатишни бош мақсад қилиб белгиладик. Турли сабабларга кўра аввалги китобчаларимизда қисқароқ жавоб берилган саволларга мазкур тўпламда кенгроқ, иложи борича батафсил жавоб беришга ҳаракат қилдик. Айни пайтда, маълум бир мавзудаги такрорий саволларни умумлаштириб, ўша мавзуга оид асосий далил-ҳужжатларни келтирган ҳолда, атрофлича жавоб беришни маъқул кўрдик. Ушбу мавзу бўйича берилиши мумкин бўлган яна бошқа саволларни ҳисобга олиб, баъзи жавобларга анчагина кенг ўрин ажратдик. Китобхонлар орасида турли тушунмовчиликлар ва ихтилофлар чиқмаслиги учун яна бир бор таъкидлаб айтамизки, ушбу тўпламдаги саволларга биз ўз фикримиздан келиб чиқиб эмас, балки шаръий масдарларга суянган ҳолда жавоб бериб, аниқ бир масала юзасидан шариатнинг ҳукмини илмимиз етган даражада баён этдик. Шу маънода аввалги китобчаларимиздаги баъзи савол-жавобларни қисқартириб, баъзиларини тўлатишга ва яна баъзиларига бир оз аниқлик киритишга ҳам тўғри келди. Шунинг учун, ушбу тўплам асосий манба деб қаралиши лозимлигини алоҳида таъкидлаймиз.

Китобнинг мундарижаси

• Қуръон ва суннат
  
• 1-боб. Қуръон ҳамда уни тафсир ва таржима қилиш ҳақида
• Фиръавннинг хотини ва Марям онамиз ҳақида
• Қуръон суралари ва оятларининг тартиби
• Қуръондаги лаънатланган дарахт
• Қуръони Карим Аллоҳ учун ёдланади
• Шуҳрат ва риёсат муҳаббати
• Шуҳратпарастликнинг давоси
• Одамларнинг мақтови ва танқиди
• Қуръон ва ҳадисларда келган «ҳикмат» сўзининг маъноси
• 2-боб. Суннати набавия ҳақида
• Вофот этган норасида фарзанднинг шафоати
• Аллоҳ бандаларининг қалблари ва 
• амалларигагина қарайди
• «Агар иймон сурайёда бўлса...» ҳадисида 
• Имом Аъзам назарда тутилганмилар?
• Ақоид
• 3-боб. Илоҳиёт ҳақида
• Ризқ масаласи
• 4-боб. Нубувват ҳақида
• 5-боб. Кавниёт ҳақида
• Жинлар ва шайтонлар 
• 6-боб. Ғайб олами ҳақида
• Меърож кечаси ҳақида
• Меърож ва Исрога иймон
• 7-боб. Бошқа ақийдавий масалалар ҳақида
• Баҳоийя
• Ибодатлар
• 8-боб. Таҳорат ва поклик ҳақида
• 9-боб. Намоз ҳақида
• Азон боби
• 10-боб. Жаноза ва маййит ҳақида
• Жанозалар боби
• 11-боб. Рўза хусусида
• 12-боб. Закот ҳақида
• 13-боб. Садақа ҳақида
• 14-боб. Қасам ва назрлар ҳақида
• 15-боб. Зикр ва дуо хусусида
• 16-боб. Ибодатларга оид бошқа масалалар
• Ҳожат намози
• Муомалот
• 17-боб. Олди-сотди ҳақида
• 18-боб. Банк ва рибовий моллар ҳақида
• 19-боб. Қарз олди-бердиси
• 20-боб. Мулк ва эгалик ҳақида
• 21-боб. Иш ва ишчилар ҳақида
• 22-боб. Муомалотга оид бошқа масалалар
• Оила ва турмуш
• 23-боб. Совчилик ҳақида
• 24-боб. Маҳр ҳақида
• 25-боб. Никоҳ ҳақида
• 26-боб. Эр-хотиннинг ҳақ-ҳуқуқлари ҳақида
• 27-боб. Янги туғилган гўдакка оид ҳукмлар
• 28-боб. Талоқ ҳақида
• Хулуъ ҳақидаги фасл
• 29-боб. Энагалик ҳақида
• Болани қарамоғига олиш
• 30-боб. Оила ва турмушга оид бошқа масалалар
• Тақиқ ва рухсатлар
• 31-боб. Таомлар ва ичимликлар
• 32-боб. Сўйишлар ҳақида
• Қурбонлик хусусида
• 33-боб. Маъсият ва жиноятлар ҳақида
• Бегона аёл билан холи қолиш ва 
• унга назар солиш ҳаромдир
• Иллатлар дояси
• 34-боб. Аёлларга оид ҳукмлар ҳақида
• 35-боб. Тақиқ ва рухсатларга оид бошқа масалалар
• Тиб китоби
• 36-боб. Даволаш ва даволаниш ҳақида
• 37-боб. Тибга оид бошқа масалалар
• Ахлоқ ва одоб
• 38-боб. Яхшилик ва силаи раҳм ҳақида
• 39-боб. Таълим олиш ва таълим бериш ҳақида
• Илм талаб қилишнинг фарзлиги
• 40-боб. Салом бериш ҳақида
• Аёлларга салом бериш
• Руҳий тарбия
• 41-боб. Покланиш
• Васваса
• 42-боб. Тикланиш 
• Муроқаба
• 43-боб. Руҳий тарбияга оид бошқа саволлар
• Тавбанинг ҳақиқати
• Таълимни ҳаром, деб саводсизликка чақириш
• Мадад сўраш
• Сийрат ва тарих
• 44-боб. Саҳобаи киромлар, тобеъин ва табаъа тобеъинлар ҳақида
• Увайс Қораний розияллоҳу анҳу – тобеъинларнинг яхшиси
• 45-боб. Ислом уламолари ҳақида
• Таҳовий
• Табароний
• Ибн Хузайма
• Дорақутний
• 46-боб. Сийрат ва тарихга оид бошқа воқеалар
• Юсуф Ҳамадоний раҳматуллоҳи алайҳ
• Турли мавзулардаги саволлар
• Китоб маълумотлари