Қисқача тавсифи

Шайх Муҳаммад Содиқ Муҳаммад Юсуф ҳазратларининг қаламларига мансуб «Зикр аҳлидан сўранг» китобининг 6-қисми электрон нашри. Валий ва Ҳамийд Зотга беҳад, беадад шукурлар бўлсинки, бугунги кунда «Зикр аҳлидан сўранг» ойномасининг 100-сони ҳам китобхонлар қўлига етиб борди. Шу вақтгача бир ярим мингга яқин турли саволларга имкон қадар жавоб бериб келдик. Аммо китобчамизнинг ҳажми чекланган бўлганлиги сабабли, ҳамма саволларга ҳам батафсил жавоб беришнинг имкони бўлмай, кўпгина саволларнинг жавоби қисқароқ бўлиб қолганлиги ҳам сир эмас. Ушбу савол-жавоблар каттароқ китобда жамланишини сўраган китобхонларимизнинг талаб ва истакларни ҳисобга олган ҳолда «Зикр аҳлидан сўранг» ойномамизни йирикроқ тўплам сифатида қайта нашр этишга киришдик. Бунда, албатта, аввалги китобчаларимиздан фарқли бир қанча жиҳатлар бўлишини ҳам мулоҳаза қилдик. Масалан, аввалги китобчалар ён чўнтакда олиб юришга мўлжалланганлиги сабабли, оят ва ҳадисларнинг арабий матнини илова қилмаган эдик. Эндиги тўпламимизда эса оят ва ҳадисларнинг матнини тўлиқ келтириб, уларнинг шарҳига ҳам етарлича ўрин ажратилди. Аввалги китобчалар долзарб саволларга тезкор жавоблар тарзида бўлганлиги учун, уларни маълум бобларга саралашнинг имкони йўқ эди. Мазкур тўпламда эса саволларни фиқҳий масалалар бўйича турли бобларга ажратиб, умумлаштириб бердик. Албатта, бунда бир масала бўйича саволларнинг такрорланиб келишининг олдини олиш ҳам мумкин бўлди. Қолаверса, китобхонларнинг ўзларини қизиқтирган мавзуларни топишлари ҳам осонлашди. Китобхонлардан келган саволларни иложи борича таҳрир қилмасдан ҳавола этиш фикримиз аввалги китобчаларимизда умумий ҳолатни англаб олишимизга ёрдам берган эди. Маълум бўлишича, кўпгина китобхонларимизнинг диний, дунёвий ва ҳаттоки имловий саводлари ҳам ҳавас қиларли даражада эмас экан. Баъзан савол матнидан аниқ бир маънони англаб олиш қийин бўлган ҳолатлар ҳам учраб қоларди. Бошловчи намозхон ҳам билиши шарт бўлган жўнгина саволларни қайта-қайта сўрайвериш оддий ҳолга айланиб қолди. Баъзан эса, ғаразли мақсадларда берилган саволлар ҳам келиб турарди. Ушбу савол-жавобларнинг иложи борича давомий, барча учун хайрли ва фойдали ҳамда холис бўлишини кўзлаб, эндиги тўпламимизда саволларимизни маъно ва имло нуқтаи назаридан иложи борича яхшилаб таҳрир этишга ҳаракат қилдик. Бунда ушбу саволлар орқали ҳам китобхонларимизнинг умумий саводларини оширишни, хусусан, савол бериш одобини ўргатишни бош мақсад қилиб белгиладик. Турли сабабларга кўра аввалги китобчаларимизда қисқароқ жавоб берилган саволларга мазкур тўпламда кенгроқ, иложи борича батафсил жавоб беришга ҳаракат қилдик. Айни пайтда, маълум бир мавзудаги такрорий саволларни умумлаштириб, ўша мавзуга оид асосий далил-ҳужжатларни келтирган ҳолда, атрофлича жавоб беришни маъқул кўрдик. Ушбу мавзу бўйича берилиши мумкин бўлган яна бошқа саволларни ҳисобга олиб, баъзи жавобларга анчагина кенг ўрин ажратдик. Китобхонлар орасида турли тушунмовчиликлар ва ихтилофлар чиқмаслиги учун яна бир бор таъкидлаб айтамизки, ушбу тўпламдаги саволларга биз ўз фикримиздан келиб чиқиб эмас, балки шаръий масдарларга суянган ҳолда жавоб бериб, аниқ бир масала юзасидан шариатнинг ҳукмини илмимиз етган даражада баён этдик. Шу маънода аввалги китобчаларимиздаги баъзи савол-жавобларни қисқартириб, баъзиларини тўлатишга ва яна баъзиларига бир оз аниқлик киритишга ҳам тўғри келди. Шунинг учун, ушбу тўплам асосий манба деб қаралиши лозимлигини алоҳида таъкидлаймиз.

Китобнинг мундарижаси

• Қуръон ва суннат

• ‎1-боб. Қуръон ҳамда уни тафсир ва ‎таржима қилиш ҳақида
• Аллоҳ таоло баъзи оятларида қасам ичиши
• Рағбатлантириш мақсадида Қуръоннинг ‎хатми учун пул берса бўладими?‎
• Ҳар нарса жуфт яратилган
• Аллоҳдан фақат олимларгина қўрқарлар
• Фурқон сурасининг 72-73-оятлари шарҳи
• ‎«Ҳиттотун» сўзи аслида қайси тилга оид?‎
• Аллоҳни барча ҳолларда зикр қилиш керак
• Тавба сураси, 71-ояти ва Балад сураси, ‎‎10-оятининг шарҳи
• ‎«Фол очадиган чўплар» ҳақида
• Узайр ким?‎
• Рибохўрлар дўзахда абадий қолишадими?‎
• Мусҳафи шарифни ўпиш мумкинми?‎
• ‎«Астаъизу биллаҳ»нинг маъноси нима?‎
• Баъзи сураларнинг фазилатлари
• ‎«Ҳолбуки, китобни тиловат қиляпсиз-ку» ‎
• ояти ҳақида
• ‎2-боб. Суннати набавия ҳақида
• Абу Ҳанифа раҳматуллоҳи алайҳнинг ҳадис ‎борасидаги билимлари қай даражада бўлган?‎
• Қуръонни мусҳафдан ёки ёддан ‎ўқиганнинг мақоми ‎
• Муъаввизот
• Мўмин киши фаҳш сўзламайди
• ‎«Атроф» ва «Завоид» тўпламлари
• ‎«Ўзингга фойда келтирадиган  ‎
• нарсага ҳирс қўй»‎
• Лаънатланган олти тоифа
• Ақоид
• ‎3-боб. Илоҳиёт ҳақида
• Қазои қадар ҳақида
• Исмул аъзам
• ‎4-боб. Кавниёт ҳақида
• Инсоннинг яратилиши ҳақида
• Жаброил алайҳиссалом ҳақида
• ‎5-боб. Ғайб олами ҳақида
• Ақли заиф инсоннинг қиёмат ‎кунидаги ҳукми
• ‎6-боб. Бошқа ақийдавий масалалар ҳақида
• Ибодатлар
• ‎7-боб. Таҳорат ва поклик ҳақида
• ‎8-боб. Намоз ҳақида
• Имомнинг намоздан бурилиши ва ‎одамлар томон юзланиши
• ‎9-боб. Жаноза ва маййит ҳақида
• ‎10-боб. Рўза хусусида
• ‎11-боб. Закот ҳақида
• ‎12-боб. Садақа ҳақида
• ‎13-боб. Қасам ва назрлар ҳақида
• ‎14-боб. Ҳаж ва умра ҳақида
• ‎15-боб. Зикр ва дуо хусусида
• ‎16-боб. Ибодатларга оид бошқа масалалар
• Муомалот
• ‎17-боб. Олди-сотди ҳақида
• ‎18-боб. Қарз олди-бердиси
• ‎19-боб. Мулк ва эгалик ҳақида
• ‎20-боб. Муомалотга оид бошқа масалалар
• Оила ва турмуш
• ‎21-боб. Совчилик ҳақида
• ‎22-боб. Маҳр ҳақида
• ‎23-боб. Никоҳ ҳақида
• ‎24-боб. Эр-хотиннинг ҳақ-ҳуқуқлари ҳақида
• ‎25-боб. Янги туғилган гўдакка оид ҳукмлар
• Хатна
• ‎26-боб. Никоҳга доир бошқа масалалар
• ‎27-боб. Энагалик ҳақида
• ‎28-боб. Оила ва турмушга оид бошқа масалалар
• Тақиқ ва рухсатлар
• ‎29-боб. Таомлар ва ичимликлар
• ‎30-боб. Сўйишлар ҳақида
• ‎31-боб. Маъсият ва жиноятлар ҳақида
• ‎32-боб. Аёлларга оид ҳукмлар ҳақида
• ‎33-боб. Тақиқ ва рухсатларга ‎оид бошқа масалалар
• Тиб
• ‎34-боб. Даволаш ва даволаниш ҳақида
• Ахлоқ ва одоб
• ‎35-боб. Покланиш
• Фосиқлик
• Сийрат ва тарих
• ‎38-боб. Саҳобаи киромлар, тобеъин ва ‎
• табаъа тобеъинлар ҳақида
• ‎39-боб. Ислом уламолари ҳақида
• ‎40-боб. Сийрат ва тарихга оид бошқа воқеалар
• Турли мавзулардаги саволлар
• Китоб маълумотлари