Қисқача тавсифи

Шайх Муҳаммад Содиқ Муҳаммад Юсуф ҳазратларининг қаламларига мансуб «Зикр аҳлидан сўранг» китобининг 7-қисми электрон нашри.Валий ва Ҳамийд Зотга беҳад, беадад шукурлар бўлсинки, бугунги кунда «Зикр аҳлидан сўранг» ойномасининг 100-сони ҳам китобхонлар қўлига етиб борди. Шу вақтгача бир ярим мингга яқин турли саволларга имкон қадар жавоб бериб келдик. Аммо китобчамизнинг ҳажми чекланган бўлганлиги сабабли, ҳамма саволларга ҳам батафсил жавоб беришнинг имкони бўлмай, кўпгина саволларнинг жавоби қисқароқ бўлиб қолганлиги ҳам сир эмас. Ушбу савол-жавоблар каттароқ китобда жамланишини сўраган китобхонларимизнинг талаб ва истакларни ҳисобга олган ҳолда «Зикр аҳлидан сўранг» ойномамизни йирикроқ тўплам сифатида қайта нашр этишга киришдик. Бунда, албатта, аввалги китобчаларимиздан фарқли бир қанча жиҳатлар бўлишини ҳам мулоҳаза қилдик. Масалан, аввалги китобчалар ён чўнтакда олиб юришга мўлжалланганлиги сабабли, оят ва ҳадисларнинг арабий матнини илова қилмаган эдик. Эндиги тўпламимизда эса оят ва ҳадисларнинг матнини тўлиқ келтириб, уларнинг шарҳига ҳам етарлича ўрин ажратилди. Аввалги китобчалар долзарб саволларга тезкор жавоблар тарзида бўлганлиги учун, уларни маълум бобларга саралашнинг имкони йўқ эди. Мазкур тўпламда эса саволларни фиқҳий масалалар бўйича турли бобларга ажратиб, умумлаштириб бердик. Албатта, бунда бир масала бўйича саволларнинг такрорланиб келишининг олдини олиш ҳам мумкин бўлди. Қолаверса, китобхонларнинг ўзларини қизиқтирган мавзуларни топишлари ҳам осонлашди. Китобхонлардан келган саволларни иложи борича таҳрир қилмасдан ҳавола этиш фикримиз аввалги китобчаларимизда умумий ҳолатни англаб олишимизга ёрдам берган эди. Маълум бўлишича, кўпгина китобхонларимизнинг диний, дунёвий ва ҳаттоки имловий саводлари ҳам ҳавас қиларли даражада эмас экан. Баъзан савол матнидан аниқ бир маънони англаб олиш қийин бўлган ҳолатлар ҳам учраб қоларди. Бошловчи намозхон ҳам билиши шарт бўлган жўнгина саволларни қайта-қайта сўрайвериш оддий ҳолга айланиб қолди. Баъзан эса, ғаразли мақсадларда берилган саволлар ҳам келиб турарди. Ушбу савол-жавобларнинг иложи борича давомий, барча учун хайрли ва фойдали ҳамда холис бўлишини кўзлаб, эндиги тўпламимизда саволларимизни маъно ва имло нуқтаи назаридан иложи борича яхшилаб таҳрир этишга ҳаракат қилдик. Бунда ушбу саволлар орқали ҳам китобхонларимизнинг умумий саводларини оширишни, хусусан, савол бериш одобини ўргатишни бош мақсад қилиб белгиладик. Турли сабабларга кўра аввалги китобчаларимизда қисқароқ жавоб берилган саволларга мазкур тўпламда кенгроқ, иложи борича батафсил жавоб беришга ҳаракат қилдик. Айни пайтда, маълум бир мавзудаги такрорий саволларни умумлаштириб, ўша мавзуга оид асосий далил-ҳужжатларни келтирган ҳолда, атрофлича жавоб беришни маъқул кўрдик. Ушбу мавзу бўйича берилиши мумкин бўлган яна бошқа саволларни ҳисобга олиб, баъзи жавобларга анчагина кенг ўрин ажратдик. Китобхонлар орасида турли тушунмовчиликлар ва ихтилофлар чиқмаслиги учун яна бир бор таъкидлаб айтамизки, ушбу тўпламдаги саволларга биз ўз фикримиздан келиб чиқиб эмас, балки шаръий масдарларга суянган ҳолда жавоб бериб, аниқ бир масала юзасидан шариатнинг ҳукмини илмимиз етган даражада баён этдик. Шу маънода аввалги китобчаларимиздаги баъзи савол-жавобларни қисқартириб, баъзиларини тўлатишга ва яна баъзиларига бир оз аниқлик киритишга ҳам тўғри келди. Шунинг учун, ушбу тўплам асосий манба деб қаралиши лозимлигини алоҳида таъкидлаймиз.

Китобнинг мундарижаси

• Қуръон ва суннат
  
• 1-боб. Қуръон ҳамда уни тафсир ва таржима қилиш 
  
• 2-боб. Суннати набавия ҳақида
  
• Ақоид
  
• 3-боб. Ислом ва иймон ҳақида 
  
• Иймоннинг таърифи 
  
• 4-боб. Нубувват ҳақида 
  
• 5-боб. Ғайб олами ҳақида 
  
• 6-боб. Бошқа ақийдавий масалалар ҳақида 
  
• Авлиёларнинг кароматлари 
  
• Васваса 
  
• Имом Абулҳасан ал-Ашъарий 
  
• Имом Абу Мансур ал-Мотуридий 
  
• Ашъарий ва Мотуридийлар орасидаги фарқлар 
  
• Сеҳр 
  
• Ширкнинг таърифи ва унинг моҳияти 
  
• Имом Деҳлавийнинг «Ал-Фавзул кабир»да ширкни таъриф қилгани 
  
• Ширкнинг шаръий тушунчаси 
  
• Ширкнинг танилган турлари 
  
• Имом Деҳлавий наздида ширкнинг кўринишлари ва қисмлари 
  
• Имом Деҳлавийнинг «Ат-Тафҳиймот»ида ширкнинг баъзи навлари таърифи 
  
• Ширк оқибатининг оғирлиги 
  
• Куфр ва ширк ўртасидаги фарқ 
  
• Ижмоъ 
  
• Ижмоънинг турлари 
  
• Ижмоънинг рукни ва шартлари 
  
• Ижмоънинг суянчиғи 
  
• Жабрия мазҳаби 
  
• Аҳли сунна вал жамоа 
  
• Ибодатлар
  
• 7-боб. Таҳорат ва поклик ҳақида 
  
• Пайпоққа масҳ тортиш ҳақида 
  
• Хулоса 
  
• Масаланинг давоми 
  
• Муаммонинг ечими 
  
• 8-боб. Намоз ҳақида 
  
• Калта иштон кийиш масаласи 
  
• 9-боб. Жаноза ва маййит ҳақида 
  
• Салаф солиҳлардан ушбу мавзудаги асарлар 
  
• Эргашилаётган мазҳаб соҳибларининг бу хусусда айтган сўзлари 
  
• Ўлганларга Қуръон қироат қилишнинг ҳукми 
  
• 10-боб. Рўза ҳақида 
  
• 11-боб. Закот ҳақида 
  
• Закот олувчининг одоблари 
  
• 12-боб. Ҳаж ва умра ҳақида 
  
• Бaдaл ҳаж 
  
• 13-боб. Зикр ва дуо хусусида 
  
• 14-боб. Ибодатларга оид бошқа масалалар 
  
• Муомалот
  
• 15-боб. Олди-сотди ҳақида 
  
• 16-боб. Қарз олди-бердиси 
  
• Оила ва турмуш
  
• 17-боб. Никоҳ ҳақида 
  
• 18-боб. Эр-хотиннинг ҳақ-ҳуқуқлари ҳақида 
  
• 19-боб. Талоқ ҳақида 
  
• 20-боб. Насаб ва фарзанд боқиб олиш 
  
• 21-боб. Оила ва турмушга оид бошқа масалалар 
  
• Тақиқ ва рухсатлар 
  
• 22-боб. Таомлар ва ичимликлар 
  
• 23-боб. Сўйишлар ҳақида 
  
• 24-боб. Маъсият ва жиноятлар ҳақида 
  
• 25-боб. Тақиқ ва рухсатларга оид бошқа масалалар 
  
• Тиб китоби
  
• 26-боб. Даволаш ва даволаниш ҳақида 
  
• Ахлоқ ва одоб
  
• 27-боб. Яхшилик ва силаи раҳм ҳақида 
  
• 28-боб. Салом бериш ҳақида 
  
• Руҳий тарбия
  
• 29-боб. Покланиш 
  
• 30-боб. Тасаввуф ҳақида 
  
• Сийрат ва тарих 
  
• Муҳаммад Тақий Усмоний 
  
• Турли мавзулардаги саволлар
  
• Китоб маълумотлари